Мэта дзяржаўнай праграмы - забеспячэнне камфортных умоў пражывання і спрыяльнага асяроддзя пражывання, у першую чаргу за кошт павышэння эфектыўнасці і надзейнасці функцыянавання аб'ектаў ЖКГ з адначасовым зніжэннем выдаткаў на аказанне жыллёва-камунальных паслуг.
Фінансаванне мерапрыемстваў Дзяржаўнай праграмы ажыццяўляецца ва ўстаноўленым парадку за кошт сродкаў рэспубліканскага і мясцовых бюджэтаў, крэдытных рэсурсаў, уласных сродкаў арганізацый і іншых крыніц, не забароненых заканадаўствам.
«Бяспечны ліфт» - адна з падпраграм Дзяржаўнай праграмы, якая была накіравана на рэалізацыю комплексных мер па павышэнню бяспекі жыццядзейнасці грамадзян пры эксплуатацыі ліфтавага абсталявання ў жыллёвым фондзе.
Згодна з падпраграмай «Бяспечны ліфт» Дзяржаўнай праграмы «Камфортнае жыллё і спрыяльнае асяроддзе» на 2016-2020 гады (са змяненнем пастановы Савета Міністраў Рэспублікі Беларусь ад 13.11.2019 № 762) у Віцебскай вобласці была прадугледжана замена 1168 ліфтаў, якія адпрацавалі прызначаны тэрмін службы, у тым ліку ў Віцебску – 670, Наваполацку – 272, Полацку – 105, Оршы – 111, Новалукомлі – 10.
Па стане на 31 снежня 2020 года падпраграма «Бяспечны ліфт» Дзяржаўнай праграмы «Камфортнае жыллё і спрыяльнае асяроддзе» на 2016-2020 гады выканана ў поўным аб'ёме. Усе замененыя ліфты прайшлі тэхнічны агляд на прадмет адпаведнасці патрабаванням Тэхнічнага рэгламенту Мытнага саюза 011/2011 «Бяспека ліфтаў», зарэгістраваны ў Віцебскім абласным упраўленні Дзяржпрамнагляду і дапушчаны да эксплуатацыі.