Аляксандр Каладынскі, першы намеснік старшыні Полацкага райвыканкама падкрэсліў важнасць і значнасць работы землеўпарадкавальнікаў. Ён адзначыў, што іх карпатлівая праца патрабуе не толькі глыбокіх ведаў і прафесіяналізму, але і высокай адказнасці, бо менавіта ад дакладнасці іх вымярэнняў і пісьменнага афармлення дакументаў залежаць далейшыя рашэнні ў галіне землекарыстання, будаўніцтва і развіцця Полаччыны.
У рамках урачыстага сходу адбылося ўручэнне заслужаных узнагарод. Падзяка старшыні Віцебскага аблвыканкама аб'яўлена галоўнаму спецыялісту Вользе Малахоўскай. Падзяка старшыні Віцебскага абласнога Савета дэпутатаў уручана галоўнаму спецыялісту Кацярыне Ціхановіч. Ганаровай граматы Полацкага раённага Савета дэпутатаў удастоена Ірына Емшанава, галоўны спецыяліст.
