Дакумент забараняе продаж і прымяненне вырабаў II-V класаў небяспекі - гэта салюты, ракеты, рымскія свечкі, петарды і іншыя "гучныя" атрыбуты святаў. Дазволеныя толькі бяспечныя варыянты: бенгальскія агні, хлапушкі і тартавыя фантаны ("халодныя агні").
Цяпер выкарыстанне забароненай піратэхнікі будзе разглядацца як дробнае хуліганства (арт.19.1 КоАП). А калі яе прымяненне прывядзе да шкоды маёмасці або здароўя, адказнасць можа наступіць ужо па артыкулах 299 і 339 Крымінальнага кодэкса Рэспублікі Беларусь. Гэта значыць, што штрафы і нават крымінальнае пакаранне стануць рэальнасцю для тых, хто вырашыць парушыць закон.
Важна падкрэсліць: свята не знікае. Яно змяняе форму. На гарадскіх мерапрыемствах феерверкі будуць праводзіць толькі арганізацыі, якія маюць спецыяльны дазвол. Гэта гарантуе відовішчнасць, але без рызыкі для жыхароў. А ў хатнім крузе застаюцца агні, якія можна трымаць у руках без страху – бенгальскія свечкі, хлапушкі і фантаны, якія ствараюць атмасферу чараўніцтва і радасці.
Забарона на салюты - гэта крок да больш бяспечнага і адказнага грамадства
Як засцерагчы сябе пры выкарыстанні дазволенай піратэхнікі?
- Купляць толькі сертыфікаваныя вырабы з інструкцыяй на рускай мове.
- Не выкарыстоўваць піратэхніку пры моцным ветры.
- Забяспечыць бяспечную дыстанцыю для гледачоў.
- Катэгарычна забараняць запуск дзецям і асобам у стане ап'янення.
- Не ўжываць вырабы са скончаным тэрмінам прыдатнасці або пашкоджаннямі.
Афіцыйны прадстаўнік
Полацкага РАУС В. С. Касянкова
