А менавіта сумесна з прадстаўнікамі БЧ праводзяцца адпрацоўкі станцый, прыпыначных пунктаў, перагонаў і рухомага саставу, накіраваных на выяўленне і канфіскацыю непаўналетніх, якія знаходзяцца на аб'ектах чыгуначнага транспарту без нагляду дарослых.
Па-ранейшаму актуальная праблематыка гібелі і траўміравання людзей у выніку наезду чыгуначным транспартам.
Асноўнай прычынай гэтых здарэнняў з'яўляецца парушэнне самімі пацярпелымі мер асабістай бяспекі, а менавіта пераход праз чыгуначныя шляхі, хаджэнне па шляхах у забароненых месцах, няўважлівасць пры перасячэнні чыгуначнага палатна па пешаходных насцілах, ігнараванне папераджальных сігналаў святлогукавай сігналізацыі на станцыях і прыпыначных пунктах, забараняючых сігналаў дарожных святлафораў на чыгуначных пераездах.
Неаднаразова на працягу апошніх гадоў рэгістраваліся выпадкі траўміравання людзей, у тым ліку дзяцей, кантактнай электрычнай сеткай. Для звестак: напружанне ў кантактнай сетцы - 27 тысяч вольт пераменнага току. Да падобных трагедый прыводзяць спробы зрабіць падлеткамі "сэлфі" на даху вагона, выкарыстанне рыбалоўных снасцей паблізу чыгуначнага палатна, іншыя неабдуманыя ўчынкі.
Прычынамі атрымання траўм непаўналетнімі з'явіліся спробы праезду на знешніх канструкцыях вагонаў цягнікоў. У студзені - чэрвені г.г. зарэгістравана 15 (2024 г. - 16) фактаў зачэперства.
Каб пазбегнуць трагедый варта кіравацца наступнымі асноўнымі правіламі бяспекі:
- Пераход праз чыгуначныя шляхі дазваляецца і ажыццяўляецца толькі ва ўстаноўленых і абсталяваных для гэтага месцах (чыгуначныя пешаходныя пераходы, тунэлі, масты).
- Пры пераходзе праз чыгуначныя шляхі па чыгуначных пешаходных пераходах неабходна ўважліва сачыць за перамяшчэннем транспартных сродкаў чыгуначнага транспарту, слухаць аб'явы па гучнай сувязі, звяртаць увагу на сігналы, якія падаюцца транспартнымі сродкамі чыгуначнага транспарту і (або) работнікамі арганізацый чыгуначнага транспарту агульнага карыстання.
- Самакаты, веласiпеды, скутэры і да таго падобнае неабходна каціць побач з сабой.
- Да пераходу чыгуначных шляхоў неабходна пераканацца ў адсутнасці транспартных сродкаў чыгуначнага транспарту з усіх кірункаў.
- Каб пазбегнуць уздзеяння зацягваючага паветранага патоку, які ўтвараецца праходзячым транспартным сродкам чыгуначнага транспарту, пры набліжэнні транспартных сродкаў чыгуначнага транспарту да пешаходнага пераходу неабходна адысці ад крайняя рэйкі не менш чым на 2 метры.
Варта ведаць, што ў адпаведнасці з арт.18.2 ч. 4 КоАП Рэспублікі Беларусь праход па чыгуначных пуцях або знаходжанне на чыгуначных пуцях у месцах, не прызначаных для іх перасячэння, цягнуць накладанне штрафу ў памеры да дзвюх базавых велічынь.
Аддзел аховы правапарадку і прафілактыкі
міліцыі грамадскай бяспекі Полацкага РАУС
