Праведзеныя мерапрыемствы "Нелегал-2025" паказалі вынікі, якія сведчаць аб незахаванні з боку замежнікаў заканадаўства Рэспублікі Беларусь. Часцей за ўсё выяўляюцца парушэнні ўстаноўленага парадку рэгістрацыі, перамяшчэння і выбару месца жыхарства, ухіленне ад выезду па заканчэнні вызначанага імі тэрміну знаходжання, парушэнне ўстаноўленага парадку ажыццяўлення працоўнай, і іншай дзейнасці. Так за час правядзення названых мерапрыемстваў 32 замежнікі былі прыцягнуты да адміністрацыйнай адказнасці, 1 замежніку зачынены ўезд у Рэспубліку Беларусь з-за нявыплаты штрафаў, 4 дэпартаваныя і 1 высланы за межы Рэспублікі Беларусь.
У сувязі з гэтым хацелася б яшчэ раз нагадаць усім замежным грамадзянам, якія знаходзяцца на тэрыторыю Рэспублікі Беларусь аб неабходнасці на працягу дзесяці сутак зарэгістравацца ў органе рэгістрацыі – орган унутраных спраў або гасцініцы, якая ажыццяўляе рэгістрацыю замежнікаў (за выключэннем грамадзян Расійскай Федэрацыі (90 дзён з моманту ўезду), Украіны і Казахстана - якія маюць права знаходзіцца на тэрыторыі Рэспублікі Беларусь з моманту прыбыцця 30 дзён без афармлення рэгістрацыі.
Пры змене месца жыхарства іншаземец абавязаны на працягу 3 сутак перарэгістравацца ў органе рэгістрацыі па новым месцы жыхарства.
Замежнікі абавязаны выехаць з Рэспублікі Беларусь да заканчэння тэрміну часовага знаходжання або пражывання (рэгістрацыі).
Звяртаем увагу, што згодна з арт. 22 Закона замежнікі, якія знаходзяцца на тэрыторыі Рэспублікі Беларусь, абавязаны выконваць Канстытуцыю Рэспублікі Беларусь і іншыя акты заканадаўства Рэспублікі Беларусь, паважаць яе нацыянальныя традыцыі.
