Спаса-Еўфрасіннеўскi манастыр - адзін з вядучых духоўных цэнтраў праваслаўя і самых старажытных манастыроў, які захаваўся з XII стагоддзя на тэрыторыі Усходняй Еўропы. 900-годдзе манастыра ў Полацку - найважнейшая падзея ў гісторыі і культуры Беларусі. На ўрачыстасці ў Полацк чакаецца прыезд Свяцейшага Патрыярха Маскоўскага і ўсяе Русі Кірыла.
Праграмай прадугледжаны святочныя мерапрыемствы, набажэнствы і хросныя хады. У Крыжа-Узвіжанскім саборы Спаса-Еўфрасіннеўскага манастыра 4 чэрвеня будуць служыць малую вячэрню з акафістам прападобнай Еўфрасінні (14.30), адбудзецца святочнае усяночнае трыванне (17.00), а 5 чэрвеня - Гадзiны (9.15).
У Полацкім Сафійскім саборы 5 чэрвеня - Гадзіны (8.30), архіерэйская сустрэча і Боская літургія (9.00). У гэты ж дзень з Сафійскага сабора адправіцца хрэсны ход (10.40) у Спаса-Еўфрасіннеўскі манастыр да крыжа-Узвіжанскага сабора, дзе пройдзе Боская літургія.
