На жаль, па стане здароўя не змог прыняць удзел ва ўрачыстай цырымоніі Аляксандр Філіпавіч Растапчын, удзельнік Вялікай Айчыннай вайны, які стаў адным з пераможцаў у намінацыі "Забеспячэнне законнасці і правапарадку, папярэджанне і ліквідацыя надзвычайных сітуацый, дзейнасць органаў мясцовага кіравання і самакіравання, грамадскіх арганізацый".
Сёння ганаровую ўзнагароду Аляксандру Філіпавічу дома ўручыў намеснік старшыні Віцебскага аблвыканкама Вячаслаў Дурноў. Таксама далучыўся да віншаванняў, уручыўшы юбілейны медаль "80 гадоў Перамогі ў Вялікай Айчыннай вайне 1941-1945 гг." з пажаданнямі моцнага здароўя, аптымізму, добрага настрою. Кожная сустрэча з А.Ф. Растапчыным – падстава для гонару, добрых слоў і шчырай падзякі за нашы мір, спакой і дабрабыт. Нізкі паклон…
