Праект, які ўбачаць у агульнай складанасці больш за 15 тыс. чалавек з усіх рэгіёнаў краіны, дазволіць прасачыць шлях, які прайшоў беларускі народ у гады Вялікай Айчыннай вайны. Учора дэлегацыя з Віцебскай вобласці, у складзе якой 260 палачан, прыняла ўдзел у мерапрыемстве.
У першай частцы канцэрта прадстаўлены звесткі пра назаўжды страчаныя падчас вайны населеныя пункты Беларусі, пра герояў Савецкага Саюза. Паднятая тэма генацыду мірнага насельніцтва. Паказаны рэдкія кадры ваеннай фотахронікі.
У другой частцы мерапрыемства галоўнай стала тэма адказнасці сучаснікаў за захаванне гістарычнай памяці і традыцый. У канцэрце прагучалі як вядомыя творы савецкага перыяду, так і новыя кампазіцыі сучасных беларускіх аўтараў.
Дапоўнілі канцэрт-рэквіем прадстаўленыя ў фае Палаца Рэспублікі выставачныя праекты. Падрабязнасці - на нашым сайце і ў сацсетках.
