Усё гэта прыводзіць да збяднення расліннасці, павышэння кіслотнасці і памяншэння ўрадлівасці грунту. Практычна ўсе жывёлы і казуркі, якія жывуць у сухой траве ці на паверхні зямлі, гінуць пры моцным травяным пажары. На папялішчах вельмі часта знаходзяць згарэўшыя птушыныя гнёзды, грызуноў, дзіцянят зайцоў, вожыкаў. Агонь наносіць непапраўную шкоду прыроднай разнастайнасці.
Агонь на прысядзібным участку ці проста паблізу будынкаў можа проста стаць прычынай узгарання і нанесці ўрон, а то і поўнасцю знішчыць пабудовы або прыпаркаваны недалёка транспарт. Полымя, якое разбушавалася, цяжка спыніць і пацярпець можа не толькі маёмасць, але і сам падпальшчык або выпадкова апынуўшыяся на месцы пажару грамадзяне. Работнікам МНС вядомыя выпадкі не толькі калі на вачах вінаватых агонь перакідваўся на пабудовы, але і калі з-за выпальванняў гінулі людзі.
Для таго, каб пазбегнуць бяды, неабходна выконваць наступныя рэкамендацыі:
- ні ў якім разе не паліце траву. Акрамя таго, што гэта шкодна для раслін і жывёл, выпальванні могуць быць небяспечныя і для чалавека. Не пакідайце падпалены агонь без нагляду. Старанна тушыце недакуркі і запалкі перад тым, як выкінуць іх;
- калі вы заўважылі пажар - не праходзьце міма. Пачынаючую гарэць траву вы зможаце патушыць самастойна. Пры тушэнні падручнымі сродкамі можна збіваць полымя з абзы пажару звязкам прутоў або галінак лісцяных дрэў, або ж закідваць абзу пажару пяском;
- патушыўшы пажар, не сыходзьце да таго часу, пакуль не пераканаецеся, што агонь не разгарыцца зноў;
- калі ж вы разумееце, што самастойна пагасіць полымя не ўдасца, неадкладна паведаміце аб тым, што здарылася па тэлефоне 101 або 112 і паспрабуйце як мага хутчэй пакінуць месца пажару.
Спальваць смецце на сваім участку, вядома, можна, але пры гэтым неабходна выконваць элементарныя правілы бяспекі, каб простая ўборка ўчастку не стала трагедыяй. Рабіць гэта трэба толькі ў зацішнае надвор'е. Вогнішчы лепш разводзіць удалечыні ад будынкаў, лесу ці сціртаў саломы. Калі нічога з пералічанага паблізу няма, вы гатовыя сачыць за агнём і пад рукой ёсць вогнетушыцель ці вядро з вадой, значыць вы ўсё робіце правільна.
