Недастатковы ўзровень лічбавай пісьменнасці, залішняя даверлівасць грамадзян прывялі да росту крадзяжоў маёмасці шляхам мадыфікацыі кампутарнай інфармацыі. Асноўнымі спосабамі здзяйснення злачынстваў застаюцца "фішынг" і "вiшынг", устаноўка праграмы аддаленага доступу.
Ужо з пачатку бягучага года прычыненая грамадзянам Віцебшчыны шкода склала больш за 1 млн беларускіх рублёў.
Падчас дэкады кібербяспекі супрацоўнікі органаў унутраных спраў правядуць выступленні ў працоўных калектывах арганізацый і прадпрыемстваў, у навучальных установах. Раскажуць, як не стаць ахвярай кібермахляроў. У рамках адпрацоўкі жылога сектара правядуць індывідуальныя гутаркі з грамадзянамі і найбольш уразлівай катэгорыяй — пажылымі людзьмі, якія самотна пражываюць.
