Дадзенае мерапрыемства накіравана на выяўленне рэкламы інтэрнэт-рэсурсаў, якія ажыццяўляюць незаконную рэалізацыю наркатычных сродкаў і прапануюць працаўладкаванне ў названай сферы, размешчанай у грамадскіх месцах шляхам нанясення надпісаў, трафарэтаў, расклейвання ўлётак, налепак (пранаркатычная рэклама).
Наркамагазіны прапануюць не толькі з выгляду добра аплачваемую працу, якая не патрабуе вялікіх фізічных выдаткаў, але і звязаную з выкарыстаннем Інтэрнэту. Падлетку здаецца, што яго ніхто не бачыць і ўсё "таемна". На вуліцах можна нярэдка ўбачыць "рэкламу" наркашопаў і хуткага заробку.
Трафарэтчыкі - асобы, якія працуюць на інтэрнэт-краму па збыце псіхатропных рэчываў.
На надпісах паказваецца акаўнт Інтэрнэт-крамы па продажы наркотыкаў альбо прапанова аб працы на наркамагазін (праца 1500$ у тыдзень). За такую працу "трафарэтчыкі" ад адміністратара Інтэрнэт-крамы атрымліваюць грашовую ўзнагароду.
Зразумела, што ніякіх 1500 няма і быць не можа. Ніхто з такіх работнікаў не дацягвае і 2 месяцаў і сыходзяць у турму.
У некаторых выпадках дзеянні трафарэтчыкаў кваліфікуюцца арт. 341 КК РБ, а ў некаторых ч.4 арт 328 КК РБ.
Паважаныя грамадзяне, у сувязі з правядзеннем прафілактычнай акцыі "Беларусь без трафарэтаў" просім Вас, пры выяўленні пранаркатычнай рэкламы неадкладна паведамляць у АУС Полацкага райвыканкама па нумары 102 або (МТС).
