Асноўная мэта гэтых мерапрыемстваў - павышэнне ўзроўню працоўнай дысцыпліны на аб'ектах аграпрамысловага комплексу, аказанне карэктуючага ўздзеяння ў дачыненні да асоб, якія вядуць асацыяльны лад жыцця, уцягванне ў працоўную дзейнасць асоб, незанятых у эканоміцы, зніжэнне ўзроўню алкагалізацыі насельніцтва.
Для выяўлення і спынення правапарушэнняў прадугледжана патруляванне сельскіх населеных пунктаў з прыцягненнем страявых падраздзяленняў міліцыі. Таксама працягваецца работа па кантролі за выкананнем працоўнай дысцыпліны на аб'ектах аграпрамысловага комплексу. Па кожным парушэнні будуць праінфармаваныя кіраўнікі сельскагаспадарчых арганізацый прадпрыемстваў для прыняцця адпаведных мер рэагавання.
Разам з тым, непрацуючых грамадзян, якія вядуць асацыяльны лад жыцця, запрашаюць на пасяджэнні саветаў грамадскіх пунктаў аховы правапарадку, для вырашэння пытання аб іх працаўладкаванні.
Для тых жа, хто не ўстане на законапаслухмяны шлях, будуць праведзены адпаведныя мерапрыемствы па накіраванні іх у лячэбна-працоўны прафілакторый.
Начальнік ААПП
Полацкага РАУС Д.Г. Падаляк
