Выданне прысвечана прыродзе Беларусі ва ўсёй яе разнастайнасці. У цэнтры ўвагі не толькі ўнікальныя прыродныя ландшафты, жывёльны і раслінны свет, але і ўсе аспекты, якія тычацца аховы навакольнага асяроддзя і рацыянальнага выкарыстання прыродных рэсурсаў. На старонках выдання закранаюцца праблемы глабальнага змянення клімату, абыходжання з адходамі, чысціні вады і атмасфернага паветра, дзейнасці тэрытарыяльных органаў Мінпрыроды.
Дадатак "Юны натураліст" накіраваны на экалагічнае выхаванне маладога пакалення, асвятленне дзейнасці Маладзёжных паслоў МУР, праектаў "зялёныя школы". Размяшчаюцца дзіцячыя даследчыя праекты, пазнавальныя нататкі і экавіктарыны, гульні, досведы, вырабы. Многія матэрыялы дапоўнены аўдыёвізуальным кантэнтам (з дапамогай QR-кодаў): аўдыёзапісамі галасоў птушак, гукаў жывёл, відэа прыродных з'яў, вымярэнняў надвор'я і г. д.
Выдаецца з 1972 года. 12 нумароў у год на рускай і беларускай мовах. Заснавальнік - Міністэрства прыродных рэсурсаў і аховы навакольнага асяроддзя Рэспублікі Беларусь. Падпісны індэкс для індывідуальных падпісчыкаў – 74926, для ведамасных падпісчыкаў – 749262.
Падпіску на часопіс "Родная прырода" можна аформіць у РУП "Белпошта", УП "Белсаюздрук", "Інтэрнэт-падпіска" АРІП.
Праз аддзяленні сувязі таксама можна аформіць падпіску на абаненцкую скрыню, з дастаўкай да кватэры "з уручэннем з рук у рукі", "да запатрабавання".
Для работнікаў сістэмы адукацыі і Мінпрыроды прадугледжаны зніжкі.
Падрабязная інфармацыя на сайце: http://zviazda.by.
