Чаго толькі не ўбачыш у гэтыя дні на гандлёвых прылаўках: ракеты, хлапушкі, петарды, свечкі, бенгальскія агні. Але часта гэтыя з выгляду бяскрыўдныя цацкі становяцца прычынай сапраўднай бяды.
У чарговы раз хочацца нагадаць вам пра небяспекі, якія ўтойваюць у сабе ўсе піратэхнічныя сродкі.
Пры куплі піратэхнікі неабходна звярнуць увагу на асноўныя рэчы:
- Набывайце піратэхніку толькі ў месцах санкцыянаванага гандлю.
- Патрабуйце ў прадаўца сертыфікат адпаведнасці піратэхнічнага вырабу патрабаванням тэхнічнага рэгламенту мытнага саюза "Аб бяспецы піратэхнічных вырабаў", або пратакол пацверджання класа пажаранебяспекі.
- У абавязковым парадку кожны выбухованебяспечны выраб павінен забяспечвацца інструкцыяй па ўжыванні, у якой паказваецца: назва вырабу, папярэджанне аб яго небяспецы, умовы і абмежаванні пры ўжыванні і прымяненнi, спосабы бяспечнай падрыхтоўкі да эксплуатацыі, пуску і ўтылізацыі, а таксама правілы захоўвання, дата вырабу і гарантыйны тэрмін, схема дзеянняў у выпадку адмовы піратэхнічнага вырабу і пры ўзнікненні няштатнай сітуацыі. Звярніце ўвагу на тое, каб упакоўка вырабу не была пашкоджанай, а інструкцыя напісана на рускай ці беларускай мовах.
Парадак прымянення піратэхнічных вырабаў
- Абярыце месца для феерверка. Гэта можа быць вялікая адкрытая пляцоўка, двор, сквер ці паляна, вольная ад дрэў і пабудоў.
- Уважліва агледзіце выбранае месца, па суседстве, у радыусе 100 метраў, не павінна быць пажаранебяспечных аб'ектаў, стаянак аўтамашын, гаражоў.
- Пры моцным ветры запускаць феерверкі забараняецца.
- Катэгарычна забараняецца выкарыстоўваць піратэхнічныя вырабы побач з жылымі дамамі, яны могуць патрапіць у акно ці фортачку, заляцець на балкон ці гарышча.
- Таксама нельга выкарыстоўваць піратэхніку ў закрытых памяшканнях, кватэрах, офісах, у месцах з масавым знаходжаннем людзей.
БАЦЬКІ! БУДЗЬЦЕ УВАЖНЫЯ! ПІРАТЭХНІЧНЫЯ СРОДКІ НЕБЯСПЕЧНЫЯ!
Асаблівую ўвагу дарослых хацелася б звярнуць на выкарыстанне піратэхнікі дзецьмі. Набываючы ў нелегальных прадаўцоў піратэхнічныя вырабы, дзеці пачынаюць "шоу" яшчэ задоўга да пачатку навагодніх святаў. Дзеля жарту закідваюць петарды адзін аднаму ў капюшоны, кідаюць іх пад ногі мінакоў. Часцяком адбываецца і так: дзіця падпальвае петарду і кідае яе на зямлю, але яна не выбухае, наступнае дзеянне прадказальна – дзіця падыме небяспечную цацку, і яна выбухае ў яго руках. Вынік заўсёды сумны: цяжка паддаюцца лячэнню апёкі і траўмы. Ну, а калі ў руцэ выбухае ракета, то справа абгортваецца больш сур'ёзнымі наступствамі – ампутацыяй пальцаў, інваліднасцю да канца жыцця.
ПАМЯТАЕЦЕ!
Аналіз прычын навагодніх пажараў сведчыць, што часцей за ўсё яны ўзнікаюць ад бенгальскіх агнёў і хлапушак з агнявым эфектам, свечак і самаробных няспраўных электрагірлянд, бесклапотнага свавольствам дзяцей з агнём.
Памятайце аб небяспецы ўзнікнення пажару ў доме
- Часцей гутарыце з дзецьмі аб мерах пажарнай бяспекі.
- Не давайце дзецям гуляць запалкамі.
- Вучыце дзяцей правільнаму карыстанню бытавымі электрапрыборамі.
- Не дазваляйце дзецям самастойна ўключаць асвятленне навагодняй ёлкі.
- Ведайце, што хлапушкі, свечкі, бенгальскія агні могуць стаць прычынай пажару і траўм.
- Будзьце асцярожныя пры карыстанні нават дазволенымi і праверанымi піратэхнічнымi цацкамi.
Калі ўсё ж з вамі ці з вашымі блізкімі адбыўся няшчасны выпадак неабходна неадкладна паведаміць у службу выратавання па тэлефоне "101" ці "112".
