31 кастрычніка завяршыўся адзін з этапаў выбараў - вылучэнне ў склад раённай камісіі прадстаўнікоў палітычнымі партыямі, грамадскімі аб'яднаннямі, працоўнымі калектывамі і грамадзянамі шляхам падачы заявы.
Камісія нададзеная шырокім колам паўнамоцтваў: яна наўпрост выконвае функцыі, звязаныя з падрыхтоўкай і правядзеннем выбараў Прэзідэнта Рэспублікі Беларусь на тэрыторыі раёна.
У склад Полацкай камісіі ўвайшлі прадстаўнікі грамадскіх аб'яднанняў (6 чалавек), палітычнай партыі (1), ад грамадзян шляхам падачы заявы (4). Усяго — 11 чалавек. Месца знаходжання камісіі: г. Полацк, вул. Талстога, 6, кабінет №106, тэлефон 43-90-81. Графік работы: у буднія дні — з 10.00 да 14.00 і з 15.00 да 17.00, у суботу — з 10.00 да 14.00. У сувязі з надыходзячымі выхаднымі днямі ўстаноўлены наступны графік: 7,8,10 лістапада — выхадныя, 9 лістапада — з 10.00 да 14.00, 16 лістапада — з 10.00 да 14.00 і з 15.00 да 19.00.
— Перад намі стаіць важная задача — правесці выбарчую кампанію на годным узроўні, каб людзі спакойна зрабілі свой выбар і з упэўненасцю глядзелі ў заўтрашні дзень, — адзначыў старшыня Полацкага раённага выканаўчага камітэта Ігар Марковіч.
