Мерапрыемства стала адным з тых, што праходзяць у рамках рэалізацыі даручэння Прэзідэнта прывесці ў ідэальны стан войска і сілавы блок у цэлым. Так, на адкрыцці навучальнага збору намеснік начальніка ГУАПП МГБ МУС Сяргей Мірончык падкрэсліў значнасць адпрацоўкі тактыкі дзеянняў, дэманстрацыі згуртаванасці асабістага складу.
Добраахвотнікі ўдасканальвалі навыкі ў тактычнай, ваенна-інжынернай і медыцынскай падрыхтоўцы, адпрацоўвалі зладжанасць дзеянняў пры спыненні масавых беспарадкаў. Таксама на палігоне адточвалі навыкі стральбы, работы з БПЛА, сапёрнай справы, ваеннай тапаграфіі, хуткасць дзеянняў пры штурме пазіцый праціўніка.
Як падкрэсліў першы намеснік камандуючага ўнутранымі войскамі - начальнік штаба Аляксандр Быкаў, у выкананне даручэння Кіраўніка дзяржавы атрады добраахвотнікаў сфарміраваны ў кожным рэгіёне. "Па распараджэнні міністра ўнутраных спраў арганізаваны вучэнні з байцамі, якія сышлі на заслужаны адпачынак, але не страцілі баявы дух і ў выпадку неабходнасці могуць стаць плячом да пляча з супрацоўнікамі і вайскоўцамі. Заняткі праводзяць добра падрыхтаваныя інструктары, прафесіяналы як з ліку прадстаўнікоў АМАПа УУС, так і спецпадраздзяленняў унутраных войскаў", — канстатаваў ён.
Удзельнікам збораў, байцам АМАПу і вайскоўцам уручаны ведамасныя ўзнагароды.
