... Палачанам, жыхарам Наваполацка, Полацкага, Ушацкага, Лепельскага, Верхнядзвінскага, Расонскага раёнаў паштовыя паслугі аказвае Полацкі рэгіянальны вузел паштовай сувязі Віцебскага філіяла РУП "Белпошта". У невялікія аддаленыя населеныя пункты ажыццяўляецца матарызаваная дастаўка пошты. Сёння мы пазнаёмімся з адной з лепшых работніц Полацкага РВПС, пераможцай абласнога конкурсу прафесійнага майстэрства — паштальёнам Ганнай Парахонька, якая працуе на адным з "паштовых маршрутаў" Полацкага раёна.
Парадку 150 км у дзень, а ў іншыя дні каля 200 км праязджае Ганна на паштовай машыне ў тандэме з кіроўцам, спяшаючыся даставіць паштовыя адпраўленнi і пенсіі адрасатам. У яе працоўным арсенале - незаменны памочнік, тэрмінал "мабільны паштальён", дзякуючы якому вяскоўцам няма неабходнасці дабірацца да стацыянарнага аб'екта пошты. Камусьці трэба адправіць паштовае адпраўленне, аформіць падпіску, камусьці аплаціць "камуналку" або пераслаць грашовы перавод, купіць спажывецкія тавары і паштовую прадукцыю. Разлічыцца можна не толькі наяўнымі, але і банкаўскай карткай. Аператыўна, даступна і якасна. Такія магчымасці паштальёну Печкіну і не сніліся!
На сваім маршруце працуе Ганна Парахонька ўжо пяць гадоў.
"Месцы вельмі прыгожыя! Азёрны край, - дзеліцца Ганна. - Акрамя паштовых адпраўленняў з сабой у нас заўсёды вялікі асартымент тавараў".
... У паштовай галіне Ганна Парахонька працуе з 2017 года, з таго часу, як атрымала адукацыю ў каледжы па спецыяльнасці "аператар паштовай сувязі". Яе малая радзіма - Ушацкі раён, там яна і працавала начальнікам аддзялення паштовай сувязі. А калі пераехала на Полаччыну, уладкавалася ў Полацкі РВПС.
Адказная і камунікабельная, Ганна любіць сваю працу, у першую чаргу, за магчымасць парадаваць людзей — навінамі, паслугамі, таварамі і, вядома, зносінамі:
- Часцяком адзінокія пажылыя людзі, якія жывуць у аддаленых вёсках, так рады пагаварыць, распытаць пра тое, што робіцца ў горадзе, падзяліцца сваімі перажываннямі. І разуменне таго, што мы выконваем такую патрэбную людзям працу, нас чакаюць, нам давяраюць, вядома, грэе душу.
Паважаныя калегі і ветэраны паштовай сувязі! Нашых работнікаў заўсёды адрозніваюць адказнасць, прафесіяналізм, уменне працаваць з поўнай самааддачай і, захоўваючы лепшыя традыцыі, павышаць якасць і ўзровень абслугоўвання. Жадаем вам дабрабыту, упэўненасці ў заўтрашнім дні, рэалізацыі намечаных планаў і новых поспехаў у прафесійнай дзейнасці! Моцнага здароўя,
шчасця, міру і дабра Вам і вашым блізкім!
Адміністрацыя і прафсаюзны камітэт Полацкага рэгіянальнага вузла паштовай сувязі.
