— Колькасць ДТЗ з удзелам асоб, якія перамяшчаюцца на сродках персанальнай мабільнасці, узрасла на 70 працэнтаў, — агучыў даныя начальнік галоўнага ўпраўлення Дзяржаўнай аўтамабільнай інспекцыі Міністэрства ўнутраных спраў Віктар Ротчанкаў.
Менавіта гэта негатыўная тэндэнцыя паслужыла карэкціроўцы ПДР. Згодна з праектам указа, калі раней асобы, якія перамяшчаліся на сродках персанальнай мабільнасці, былі пешаходамі, то зараз іх мяркуецца прыраўняць да вадзіцеляў.
Па адзіных правілах
Пры гэтым усе транспартныя сродкі, якія па сваіх тэхнічных характарыстыках будуць перамяшчацца з хуткасцю больш за 25 км/г, будуць з'яўляцца механічнымі транспартнымі сродкамі, якія падлягаюць рэгістрацыі і праходжанню астатніх працэдур для ўдзелу ў дарожным руху. Паколькі сродак персанальнай мабільнасці ў праекце ўказа прадугледжваецца як транспартны сродак, адпаведна, асоба, якая на ім перамяшчаецца, будзе з'яўляцца вадзіцелем. Акрамя таго, прапануецца забараніць рух гэтага сродку ў пешаходных зонах.
Праектам указа замацоўваюцца і абавязкі веласіпедыстаў і асоб, якія перамяшчаюцца на сродках персанальнай мабільнасці, спешыцца пры перасячэнні праезнай часткі дарогі па пешаходным пераходзе, а таксама ў асобных выпадках пры руху па велапераездзе і веласіпеднай дарожцы.
Пры гэтым прапануецца пакінуць дазвол не спешвацца толькі на велапераездзе, які абсталяваны транспартным святлафорам, які рэгулюе рух веласіпедыстаў. Яшчэ адно выключэнне датычыцца язды за горадам, калі веласіпедысту дазволена ехаць па краі праезнай часткі і ён перасякае скрыжаванне. Пры гэтым ён павінен кіравацца дарожнымі знакамі, транспартнымі святлафорамі.
Прыняць удзел у абмеркаванні законапраекта можна па 27 верасня гэтага года. Свае заўвагі і прапановы можна выказаць у спецыяльнай тэме на Прававым форуме Беларусі.
