Дэкларацыі, якія прадстаўляюцца на паперы, падатковымі органамі прымацца не будуць. За непрадстаўленне дэкларацый прадугледжана адміністрацыйная адказнасць.
З мэтай пазбягання чэргаў, прапануем загадзя атрымаць сертыфікат ЭЛП, звярнуўшыся ў рэгістрацыйны цэнтр: г. Полацк, вул. Ф. Скарыны, 13, пакой. 222.
На тэрыторыі горада Віцебска дзейнічаюць 4 рэгістрацыйныя цэнтры, размешчаныя па адрасах: вул. Гогаля, 14, кабінет 307; вул. Гогаля, 14, кабінет 814; вул. Леніна, 2А-3, кабінет 51; вул. Леніна, 10б.
Для атрымання паслугі выдання сертыфіката ЭЛП пры наведванні рэгістрацыйнага цэнтра пры сабе неабходна мець:
- дакумент, які сведчыць асобу;
- копію дакумента, які пацвярджае аплату паслугі;
- пералік звестак аб Падпісчыку для індывідуальных прадпрымальнікаў;
- копію пасведчання аб дзяржаўнай рэгістрацыі індывідуальнага прадпрымальніка.
Аплату паслугі выдання сертыфіката неабходна ажыццявіць да звароту ў рэгістрацыйны цэнтр.
Пры наяўнасці ідэнтыфікацыйнай карты (ID-карты) індывідуальны прадпрымальнік мае магчымасць працаваць у асабістым кабінеце плацельшчыка і накіроўваць розныя электронныя дакументы, у тым ліку падатковыя дэкларацыі.
Для работы з ID-картамі неабходна выкарыстоўваць счытвальнікі біяметрычных дакументаў і спатрэбіцца ўсталяваць праграмнае забеспячэнне "Кліенцкая праграма (КП)" (дадатак NTClientSoftware).
У падатковых органах (уключаючы інспекцыю МПЗ па Полацкім раёне) абсталяваны працоўныя месцы для працы з электроннымі сэрвісамі МПЗ, у тым ліку з выкарыстаннем ID-карт.
За больш падрабязнай інфармацыяй можна звярнуцца ў любы падатковы орган.
Інспекцыя МПЗ па Полацкім раёне
Намеснік начальніка інспекцыі М.С. Шаламаева
