Сёння на Полаччыне пражывае 13 ветэранаў Вялікай Айчыннай вайны, у тым ліку 5 удзельнікаў баявых дзеянняў, 2 узнагароджаных знакам "Жыхару блакаднага Ленінграда", 3 працаўнікі тылу і 3 ветэраны прыфрантавых чыгунак.
Сёння дэлегацыя ў складзе прадстаўнікоў Полацкага райвыканкама, дэпутатаў Палаты прадстаўнікоў Нацыянальнага сходу Рэспублікі Беларусь, ваенкамата, грамадскіх аб'яднанняў, працоўных калектываў, маладзёжных арганізацый і ўстаноў адукацыі Полаччыны віншавала ветэранаў з надыходзячым Днём Перамогі па месцы жыхарства.
Святочную атмасферу ствараў ваенны аркестр. Кранальнае хваляванне ветэранаў. Кветкі і падарункі. Словы віншавання і ўдзячнасці ветэранам.
"Дзякуй за перамогу. За тое, што вы ёсць, што паказваеце прыклад усім нам, выхоўваеце моладзь, — падзякаваў прадстаўнікам старэйшага пакалення Ігар Марковіч, старшыня Полацкага райвыканкама. Ён таксама перадаў ветэранам віншаванні ад Аляксандра Субоціна, старшыні Віцебскага аблвыканкама. Шматлікія госці жадалі галоўным удзельнікам цырымоніі здароўя і шчасця.
Наступіў чарговы май на нашай беларускай зямлі. Упрыгожаны белязной квітнеючых садоў... У яркіх фарбах вясновых першацветаў і сакавітай зеляніне... З высокім блакітным небам над галавой... Але самае галоўнае – мірны май!
Фота Віктара Чарняўскага.
