Як растлумачыў начальнік раёна цеплавых сетак філіяла "Полацкая ЦЭЦ" РУП "Віцебскэнерга" Сяргей Каралёў, усё ідзе па плану. Работы па замене трубаправода цепласеткі на перадізаляваныя трубы на ўчастку працягласцю па канале 100 м (у аднатрубным вылічэнні 218 м) у перыяд з 8 красавіка па 3 чэрвеня ўзгоднены з райвыканкамам. Паколькі гэты ўчастак размяшчаецца ў адноснай блізкасці да аб'ектаў, на тэрыторыі якіх будуць арганізаваны пляцоўкі Форуму рэгіёнаў Беларусі і Расіі, іх выкананне з аднаўленнем добраўпарадкавання вырашана завяршыць да пачатку гэтай маштабнай падзеі.
На аб'екце працуе персанал падраднай арганізацыі, якая ў мінулым годзе ўжо працавала ў нашым горадзе ў мікрараёне Марыненка, — ТАА "КатлаЭнергаСэрвіс-СМУ" з г.Мінска. "Перадізаляваныя трубы завезены. Пачынаюцца земляныя работы, а паралельна — падрыхтоўка да дэмантажу і мантажу, — растлумачыў Сяргей Валер'евіч. - Пастаўленая задача будзе выконвацца аператыўна."
Акрамя таго, гаспадарчым спосабам ужо вядуцца работы па замене трубаправода паміж домам №5 па вул. Юбілейнай і домам №3 па вул. Гагарына, а таксама паміж дамамі №№ 3 і 5 па вул. Гагарына.
