Вясна - самы час для штогадовай уборкі пасля зімовага сезону. Менавіта ў гэты перыяд Міністэрства прыродных рэсурсаў і аховы навакольнага асяроддзя традыцыйна аб'яўляе экалагічныя акцыі і кампаніі па навядзенні парадку на зямлі, добраўпарадкаванні і азеляненні. Тэрміны акцыі сёлета - з 1 сакавіка па 8 мая.
У Полацкім рэгіёне з надыходам вясны камунальныя службы вядуць санітарную ачыстку і добраўпарадкаванне вуліц. Прыводзяць у парадак газоны, тратуары, а таксама вымятаюць ад бардзюраў пясок, вядуцца работы па ўборцы пакінутай леташняй лістоты. Рамантуюць малыя архітэктурныя формы і дзіцячае гульнявое абсталяванне, вырабляюць усталёўку новых урнаў на дваровых тэрыторыях. Прыводзяць у парадак прыпыначныя павільёны. Штодня ажыццяўляецца бягучы рамонт дамоў: афарбоўка фасадаў, цокаляў і балконаў. Праводзіцца азеляненне. У рамках суботнікаў прыбіраюцца лясныя масівы.
Кіраўнікі прадпрыемстваў, устаноў і арганізацый усіх форм уласнасці, старшыні сельвыканкамаў закліканы арганізаваць удзел працоўных калектываў, насельніцтва ў навядзенні парадку на тэрыторыях горада і раёна, прывядзенне ў належны санітарны стан прылеглых і замацаваных тэрыторый.
Варта звярнуць увагу на вялікую колькасць смецця, якое жыхары пакідаюць у лясных масівах.
Наваполацкая гарадская і раённая інспекцыя прыродных рэсурсаў і аховы навакольнага асяроддзя дзякуе ўсім неабыякавым жыхарам Полаччыны, якія прымаюць актыўны ўдзел у навядзенні парадку на зямлі ў населеных пунктах, прыбярэжных палосах рэк, прылеглых лясных масівах ад смецця, ліквідуючы тым самым несанкцыянаваныя звалкі.
Унесці свой уклад у прыгажосць любiмага горада можа кожны. Неабходна арганізаваць суботнікі на дваровых тэрыторыях шматкватэрных жылых дамоў, у час якіх жыхары могуць прыкласці сілы да ўборкі двароў і пад'ездаў, пасадкі кветак і зялёных насаджэнняў, рамонту і афарбоўкі малых архітэктурных форм.
Прыбіраючы прыдамавую тэрыторыю, нельга забываць і пра бяспеку.
І, перш чым спальваць смецце, падумайце, можа, варта адправіць яго на перапрацоўку? Гэтым вы прынесяце карысць навакольнаму асяроддзю. Тым больш што ў кожным двары ўстаноўлены кантэйнеры для раздзельнага збору.
Варта дадаць, што падтрымліваць чысціню і парадак на сваёй тэрыторыі неабходна не толькі ў перыяд месячніка па добраўпарадкаванні, але і на працягу ўсяго года. Гэтым мы зробім наш дом прыгожым, утульным, камфортным для пражывання.
Наваполацкая гарадская і раённая
інспекцыя прыродных рэсурсаў і
аховы навакольнага асяроддзя
