Члены Савета Рэспублікі выбіраюцца ад кожнай вобласці і горада Мінска дэпутатамі мясцовых Саветаў дэпутатаў базавага ўзроўню і Мінскага гарадскога Савета дэпутатаў. Парадак абрання вызначаны выбарчым кодэксам Беларусі.
Працэдура абрання членаў Савета Рэспублікі наступная:
На пасяджэнні мясцовых Саветаў дэпутатаў базавага ўзроўню заслухоўваецца заключэнне ЦВК Беларусі аб правамоцнасці вылучэння кандыдатаў у члены Савета Рэспублікі ад адпаведнага рэгіёна і паведамленне ЦВК Беларусі аб іх рэгістрацыі.
Кандыдаты ў члены Савета Рэспублікі выступаюць на пасяджэнні з праграмай маючай адбыцца дзейнасці, адказваюць на пытанні дэпутатаў. Пры гэтым трэба ўлічваць, што кожны дэпутат, які ўдзельнічае ў рабоце пасяджэння, мае права задаваць пытанні кандыдату ў члены Савета Рэспублікі, выказваць сваё меркаванне, агітаваць за або супраць падтрымкі кандыдата.
Усе вылучаныя кандыдаты, за выключэннем тых, хто заявіў аб самаадводзе, уключаюцца ў бюлетэнь для тайнага галасавання.
Праводзіцца тайнае галасаванне па выбарах членаў Савета Рэспублікі.
Абвяшчаюцца вынікі галасавання, афармляецца адпаведнае рашэнне.
Член Cавета Hэспублікі лічыцца абраным, калі ў выніку галасавання ён атрымаў больш за палову галасоў дэпутатаў, якія прынялі ўдзел у галасаванні.
У двухдзённы тэрмін пасля правядзення пасяджэння першыя асобнікі рашэння аб зацвярджэнні вынікаў галасавання па выбарах членаў Савета Рэспублікі, а таксама пратаколы пасяджэння падліковай камісіі разам са спісам дэпутатаў, якія прынялі ўдзел у пасяджэнні, перадаюцца ў ЦВК Беларусі.
ЦВК Беларусі на падставе названых дакументаў устанаўлівае вынікі выбараў членаў Савета Рэспублікі ад абласцей і г. Мінска, рэгіструе абраных членаў Савета Рэспублікі, выдае кожнаму пасведчанне аб абранні.
