Кветкавы патруль чакаў жанчын-вадзіцеляў на праспекце Францыска Скарыны. Заўважыўшы інспектараў ДПС лэдзі за рулём прыкметна пачыналі нервавацца. А калі пасля патрабавання аб прыпынку, супрацоўнікі ДАІ не прасілі прад'явіць дакументы, а ўручалі цюльпаны, на тварах прадстаўніц прыгожай паловы чалавецтва расцвіталі ўсмешкі.
Інспектары ДПС АДАІ Полацкага РАУС Аляксандр Івашчанка і Антон Міхайлаў разам з галоўным спецыялістам Полацкага РК ГА «БРСМ» Марыяй Рамза жадалі аўталэдзі шчасця, здароўя і добрага настрою. І вядома, нагадвалі пра неабходнасць няўхільнага выканання ПДР.
- Упершыню мяне спыняе супрацоўнік ДАІ, каб павіншаваць. Вельмі нечаканая і прыемная такая ўвага. Цяпер настрой будзе выдатным увесь застаўшыся дзень, - падзялілася кіроўца Валянціна Вітко.