Падраднай арганізацыяй па дадзеным аб'екце гарадской дарожнай інфраструктуры з'яўляецца ААТ «Мостабуд». Як паведаміў Дзяніс Кейзераў, намеснік дырэктара структурнага падраздзялення «МСУ №5», вытворчы графік выконваецца. Штодня на аб'екце задзейнічана каля 10 адзінак спецыялізаванай тэхнікі і каля 30 чалавек.
У цяперашні час вядзецца рамонт апорных канструкцый, рыхтуецца армаванне маналітнай тратуарнай пліты. Трэба будзе правесцi вялікі аб'ём земляных работ, з аднаго боку моста ўжо выканана адсыпка грунту.
У ходзе капітальнага рамонту аб'екта прадугледжваецца замена дарожнага пакрыцця на мосце і пад'ездах да яго, рамонт металічнай агароджы, адхонаў і іншых збудаванняў і элементаў.
