Звяртайце ўвагу на падазроных людзей і прадметы. Пра ўсё падазронае паведамляйце супрацоўнікам органаў унутраных спраў.
У любых надзвычайных абставінах старайцеся не паддавацца паніцы і не ўпадайце ў істэрыку.
Дзеянні ў выпадку масавых беспарадкаў
У выпадку масавых беспарадкаў пазбягайце вялікіх навал людзей. Не далучайцеся да ўдзельнікаў падзей або гледачоў «дзеля цікавасці». Памятайце, што ўдзел у масавых беспарадках можа пацягнуць крымінальнае пакаранне.
Патрапіўшы ў перапоўненае памяшканне, загадзя вызначыце, якія месцы пры ўзнікненні экстрэмальнай сітуацыі найболей небяспечныя, звернеце ўвагу на размяшчэнне запасных і аварыйных выхадаў. Калі Вы апынуліся ў натоўпе:
дазвольце натоўпу несці Вас
старайцеся апынуцца далей ад высокіх і вялiкiх людзей, людзей з грувасткімі прадметамі і вялікімі сумкамі;
не трымайце рукі ў кішэнях;
любымі спосабамі імкніцеся ўтрымацца на нагах. Рухаючыся, паднімайце ногі як мага вышэй, стаўце нагу на поўную ступню, не семяніце, не паднімайцеся на дыбачкі;
пры магчымасці паспрабуйце выбрацца з натоўпу.
Калі цісканіна прыняла пагрозлівы характар:
неадкладна вызваліцеся ад любой ношы, перш за ўсё ад сумкі на доўгім рамяні і шаліка;
глыбока ўдыхніце і развядзіце сагнутыя ў локцях рукі ў бакі, каб грудная клетка не была здушана;
калі нешта выпусцілі, ні ў якім разе не нахіляйцеся, каб падняць;
калі ўпалі, паспрабуйце як мага хутчэй падняцца на ногі (не абапірайцеся на рукі);
калі ўстаць не ўдаецца, згарніцеся клубком, абараніце галаву перадплеччамі, а далонямі закрыйце патыліцу.
Дзеянні ў выпадку атрымання інфармацыі аб эвакуацыі
Калі інфармацыя аб пачатку эвакуацыі заспела Вас дома:
апраніцеся па надвор'і, вазьміце дакументы, грошы, каштоўнасці;
адключыце электрычнасць, газ, ваду, патушыце ў печы (каміне) агонь;
акажыце дапамогу ў эвакуацыі пажылым і цяжкахворым людзям;
зачыніце ўваходныя дзверы на замок;
адыдзіце ад будынка і выконвайце каманды эвакуатара, вяртайцеся ў пакінутае памяшканне толькі пасля дазволу адказных асоб.
Калі інфармацыя аб эвакуацыі заспела Вас на працоўным месцы:
без спешкі і панікі прыбярыце працоўныя дакументы ў сейф або зачыняецца на ключ скрыню стала;
вазьміце з сабой асабістыя рэчы, дакументы, каштоўнасці;
выключыце аргтэхніку, электрапрыборы;
зачыніце дзверы на ключ і рухайцеся маршрутамі, пазначанымі ў схемах эвакуацыі;
адыдзіце ад будынка і выконвайце каманды кіраўніка эвакуацыяй.
Першы намеснік начальніка
Полацкага РАУС -
начальнік крымінальнай міліцыі С.М. Мірановіч