Пераможцы конкурсу «Лепшае падраздзяленне (спецыяліст) органаў пагранічнай службы» былі адзначаны ў ходзе пашыранага пасяджэння калегіі Дзяржаўнага пагранічнага камітэта, на якім былі падведзены вынікі аператыўна-службовай і іншай дзейнасці органаў пагранічнай службы за мінулы год і вызначаны прыярытэтныя напрамкі на 2024-ы.
Як адзначыў у сваім выступленні дзяржаўны сакратар Савета Бяспекі Рэспублікі Беларусь генерал-лейтэнант Аляксандр Вальфовіч, у мінулым годзе органы пагранічнай службы, як і ўсе структуры сілавога блока, выконвалі задачы ў няпростых умовах геапалітычнага становішча, якое складваецца каля нашых граніц.
- Па вялікім рахунку, ЗША і іх саюзнікамі развязана гібрыдная вайна: і палітычны ціск, які адчувае наша краіна разам з Расiйскай Федэрацыяй, і эканамічныя санкцыі, бразганне побач з межамі зброяй, вайсковая прысутнасць, агрэсіўная рыторыка, – усё гэта мы на сабе адчуваем. І ў першым эшалоне ў нас знаходзяцца пагранічныя падраздзяленні, якія прызначаны, перш за ўсё, для недапушчэння ў краіну непажаданых асоб, незаконных узброеных фарміраванняў, спынення дастаўкі наркотыкаў, зброі, боепрыпасаў. Сёння мы не маем права на памылку - яна вельмі дорага абыдзецца нашай краіне. І, дарэчы, на гэта звярнуў увагу кіраўнік дзяржавы пры зацвярджэнні рашэнняў на ахову дзяржаўнай мяжы, – падкрэсліў Аляксандр Вальфовіч.
Фота з адкрытых крыніц.
