Выбаршчыкі, якія жадаюць прагаласаваць не па месцы рэгістрацыі, а па месцы фактычнага пражывання маюць права звярнуцца ва ўчастковую выбарчую камісію па месцы пражывання ў перыяд з 9 па 24 лютага 2024 г. Пры гэтым варта ўлічваць, што грамадзянін можа быць уключаны ў спіс выбаршчыкаў па месцы пражывання на падставе пашпарта (ідэнтыфікацыйнай карты) грамадзяніна Рэспублікі Беларусь і пры наяўнасці дакумента, які пацвярджае пражыванне на тэрыторыі ўчастка для галасавання (напрыклад, дагавора куплі-продажу, дагавора найму, зарэгістраванага ў выканкаме, або іншага пацвярджаючага пражыванне дакумента).
У адзіны дзень галасавання 25 лютага 2024 г. уключэнне ў спіс выбаршчыкаў, не зарэгістраваных на тэрыторыі ўчастка для галасавання, не прадугледжана законам.
З 9 па 19 лютага ўчастковыя выбарчыя камісіі працуюць з панядзелка па пятніцу з 17.00 да 19.00 гадзін. У суботу з 12.00 да 14.00 гадзін (у сельскай мясцовасці камісіі могуць працаваць па іншым графіку).
Фота Надзеі КАЛУЖОНАК.