Маладзёжная акцыя прайшла на базе Полацкага аграрна-тэхнічнага каледжа. Сустрэча пачалася з адкрытага дыялогу «Маладзёжны погляд. Выбары», падчас якога навучэнцам навучальнай установы распавялі аб маючым адбыцца Адзіным дні галасавання. Акрамя таго, хлопцы паўдзельнічалі ў праекце «Азбука грамадзяніна. Версія 4.0», дзе кожны змог прымерыць на сябе ролю дэпутата і разгледзець законапраекты. Дзелавая гульня з элементамі навучання аб'яднала і згуртавала ўдзельнікаў мерапрыемства. Прыемным момантам мерапрыемства стала ўручэнне сувеніраў ад Полацкага РК ГА «БРСМ», навучэнцам каледжа, якія ўпершыню прымуць удзел у выбарах.
У завяршэнні сустрэчы маладыя людзі запоўнілі і адправілі сваім родным і блізкім стылізаваныя карткі-флаеры з надпісам «Выбіраем будучыню разам!», якія неўзабаве будуць дастаўлены адрасатам.
Фота з архіва Полацкага РК ГА «БРСМ».
