- прадалі на працягу апошніх 5 гадоў больш за адзін жылы дом ці садовы домік, машына-месца, зямельны ўчастак, гараж, больш за адну кватэру ці дачу,
- рэалізавалі іншую нерухомасць незалежна ад яе колькасці (напрыклад, офісныя, складскія, гандлёвыя памяшканні і інш.),
- прадалі на працягу каляндарнага года грузавы аўтамабіль, аўтобус, дзве і больш легкавыя машыны,
- атрымалі даходы ад продажу праз блог сваіх паслуг (напрыклад, продаж платных курсаў, урокаў, трэнінгаў, вэбінараў), або ад манетызацыі блога ў выглядзе ахвяраванняў (донатаў),
- атрымалі даходы ў выглядзе падарункаў ад іншых фізічных асоб, якія не з'яўляюцца блізкімі сваякамі, у суме, якая перавышае 9338 рублёў,
- атрымалі даходы ад працы па найму ад замежных арганізацый.
Калі Вы сумняваецеся, ці падлягае Ваш даход дэклараванню, каб пазбегнуць негатыўных наступстваў, звярніцеся па тлумачэнне ў любы падатковы орган.
Падатковую дэкларацыю (разлік) па падаходным падатку за 2023 год неабходна падаць у падатковы орган не пазней за 1 красавіка 2024 года праз Асабісты кабінет плацельшчыка або на паперы (па пошце, асабіста наведаўшы любы падатковы орган, праз свайго законнага або ўпаўнаважанага прадстаўніка).
Падатковая інспекцыя ў Полацку працуе для Вас (г. Полацк вул.Свярдлова,9):
- у панядзелак з 8.00 да 19.00 без абедзеннага перапынку;
- у чацвер з 8.00 да 20.00 без абедзеннага перапынку;
- у іншыя працоўныя дні - з 8.00 да 13.00, з 14.00 да 17.00.
Выплаціць падатак, вылічаны падатковым органам на падставе дэкларацыі, неабходна не пазней за 3 чэрвеня 2024 года (на падставе атрыманага ад падатковага органа паведамлення).
Інспекцыя МПЗ па Полацкім раёне