Удзел у мерапрыемстве прынялі старшыня Віцебскага аблвыканкама Аляксандр Субоцін, начальнік УУС Віцебскага аблвыканкама Андрэй Любімаў, старшыня Полацкага райвыканкама Ігар Марковіч, прадстаўнікі вайсковых часцей, сілавых структур, грамадскіх аб'яднанняў і духавенства.
Першым маладых людзей з важным этапам у іх жыцці павіншаваў кіраўнік паўночнага рэгіёну.
– Прыняцце прысягі не проста фармальнасць. З сённяшняга дня вы становіцеся абаронцамі, вы пакляліся перад сваімі таварышамі, роднымі і ўсёй краінай, што будзеце абараняць яе, аберагаць і ахоўваць, што б ні здарылася. Жадаю з годнасцю пайсці гэты перыяд, - даваў наказ навабранцам Аляксандр Міхайлавіч.
Камандзір вайсковай часці 5524 Аляксандр Аляксеенка падкрэсліў, што перад юнакамі зараз стаіць галоўная задача - абараняць Радзіму, свой народ.
- З прыняццем ваеннай прысягі дзяржава і народ давяраюць вам сваю сучаснасць і будучыню, - падсумаваў афіцэр.
Звярнуўся да прысутных і Андрэй Любімаў:
– Вы перасягнулі важную мяжу ў сваім жыцці, вы сталі ў адзін шэраг з тымі, хто доўгія гады абараняў і абараняе нашу дзяржаву. Будзьце вартыя старэйшых таварышаў.
Па традыцыі склаўшайся на полацкай зямлі любая добрая справа павінна пачынацца з малітвы. Святар храма Пакрова Прасвятой Багародзіцы Дзімітрый Аўсіевіч благаславіў вайскоўцаў.
Па-сапраўднаму гэты дзень стаў хвалюючым і для бацькоў навабранцаў, якія з гонарам глядзелі на сваіх узмужнеўшых сыноў. Мама аднаго з салдат Наталля Праннік адзначыла, што літаральна за пару тыдняў хлопцы пасталелі.
– Важна, каб сыны памяталі, што мы ганарымся імі, чакаем іх і вельмі любім, — сказала жанчына.
Радавы Станіслаў Бармінаў упэўнены, што ён з баявымі таварышамі ўжо прайшоў добрую падрыхтоўку і гатовы годна несці службу ў в/ч 5524.
Урачыстае мерапрыемства завяршылася па-сямейнаму цёпла. Навабранцы сустрэліся са сваімі роднымі, якіх не бачылі некалькі тыдняў. Моцныя абдымкі, слёзы шчасця, сяброўскія навучанні. А наперадзе хлопцаў чакае сапраўдная школа мужнасці.
Фота Віктара Чарняўскага.
