У першы дзень чарговага працоўнага тыдня традыцыйна адбылася нарада кіраўнікоў служб і падраздзяленняў полацкага рэгіёну, удзел у якой узяла таксама дэпутат Палаты прадстаўнікоў Нацыянальнага сходу Рэспублікі Беларусь Святлана Адзінцова.
Кіраўнік раёна Ігар Марковіч засяродзіў увагу ўдзельнікаў нарады на пытаннях, якія тычацца розных сфер жыццядзейнасці. Сярод іх - павышэнне эфектыўнасці працы філіяла «Аўтобусны парк №2 г. Полацка». Як паведаміў дырэктар аўтатранспартнага прадпрыемства Уладзімір Чарневіч, за 9 месяцаў 2023 года з 12 даведзеных ААТ «Віцебскаблаўтатранс» паказчыкаў выканана 10. У іх ліку - зніжэнне ўзроўню затрат, прыцягненне інвестыцый, атрыманне чыстага прыбытку, экспарт паслуг, энергазберажэнне. Патэнцыял для развіцця ёсць: неабходна аптымізаваць графік працы асобных маршрутаў, павысіць аб'ёмы паслуг, якія прадстаўляюцца станцыямі тэхабслугоўвання і тэхагляду, якія знаходзяцца ва ўласнасці філіяла, узмацніць кантроль за аплатай праезду ў грамадскім транспарце і інш.
Падчас планёркі разгледжана пытанне аператыўнага завяршэння праектных работ па будаўніцтве паліклінікі ў мікрараёне Аэрапорт, маючага адбыцца рамонту мастоў па вул. Багдановіча і Кастрычніцкай. Старшынёй Полацкага райвыканкама ўзнята пытанне своечасовага завяршэння рамонту дахаў, умацавання матэрыяльна-тэхнічнай базы КУП «ЖКГ г. Полацка», уборкі замацаваных тэрыторый. Не страчвае сваёй актуальнасці правядзенне ў Полацкім раёне сезоннай кампаніі па імунізацыі насельніцтва ад грыпу і кавіднай інфекцыі.
Падчас нарады Святлана Адзінцова выступіла з інфармацыяй аб заканатворчай дзейнасці Палаты прадстаўнікоў у кастрычніку-лістападзе 2023 года, падрабязна спынілася на навацыях заканадаўчай базы ў сферах нацыянальнай бяспекі, сацыяльнага абслугоўвання, аховы здароўя, у пытанні адказных адносін да жывёл.
Падчас нарады асаблівая ўвага нададзена сферы сельскай гаспадаркі, завяршэнню асноўных работ. Абмеркаваны і ход выканання асобных мерапрыемстваў: рамонт стадыёна па вул. Стралецкай, будаўніцтва інжынерных сетак у в. Струнне, вадаправода ў в. Казьянкі і інш.
