Устаноўлены патрабаванні да арганізатараў мерапрыемстваў:
— дзейнасць па арганізацыі і правядзенні культурна-відовішчных мерапрыемстваў павінна з'яўляцца асноўным відам дзейнасці для арганізатара;
— арганізатар або спецыяліст, які працуе ў яго, павінны мець вопыт прадпрымальніцкай дзейнасці або стаж работы не менш як 3 гады. Важная ўмова - працаваць у галіне, звязанай з арганізацыяй і правядзеннем культурна-відовішчных мерапрыемстваў.
Пашыраны пералік дакументаў, які арганізатар павінен прадставіць для ўключэння ў рэестр: дадаткова ўключаны выпіска з працоўнай кніжкі і іншыя дакументы, якія з юрыдычнага пункту гледжання пацвярджаюць яго права і мінімум трохгадовы вопыт у арганізацыі культурна-відовішчных мерапрыемстваў. Таксама пашыраны пералік падстаў для выключэння арганізатараў з рэестра. Цяпер туды ўваходзіць неправядзенне культурных мерапрыемстваў на працягу аднаго года з даты ўключэння ў рэестр.
Падставай для выключэння арганізатара з рэестра таксама служыць паступленне ад кантрольных наглядных органаў інфармацыі аб правядзенні мерапрыемстваў з парушэннем патрабаванняў Кодэкса аб культуры Рэспублікі Беларусь і іншых заканадаўчых актаў у сферы культуры.
Арганізатары, уключаныя ў рэестр і жадаючыя працягнуць дзейнасць па арганізацыі мерапрыемстваў, павінны падаць у Міністэрства культуры для пацверджання свайго знаходжання ў рэестры пакет дакументаў. Гэта копія працоўнай кніжкі арганізатара або спецыяліста, які ў яго працуе, або іншыя дакументы, якія сведчаць вопыт прадпрымальніцкай дзейнасці або стаж работы, звязаныя з арганізацыяй і правядзеннем культурна-відовішчных мерапрыемстваў, а таксама інфармацыю аб культурна-відовішчных мерапрыемствах, праведзеных арганізатарам за тры гады, якія папярэднічалі даце падачы заявы аб уключэнні ў рэестр.
У выпадку непрадастаўлення адпаведных дакументаў арганізатары будуць выключаны з рэестра. Тыя, хто атрымаў пасведчанне на правядзенне мерапрыемства ў канкрэтны перыяд яшчэ да ўступлення пастановы ў сілу, таксама павінны дадаткова падаць гэтыя дакументы ў Міністэрства культуры.
Я.А.Астапава,
начальнік аддзела культуры
Полацкага райвыканкама.
