Сёння тэрытарыяльная абарона з'яўляецца складовай часткай абаронных мерапрыемстваў Рэспублікі Беларусь і ажыццяўляецца сіламі тэрытарыяльнай абароны для ўзброенай абароны насельніцтва, аб'ектаў народна-гаспадарчага комплексу і камунікацый на тэрыторыі рэспублікі, павышэння эфектыўнасці выканання злучэннямі і воінскімі часцямі Узброеных Сіл задач па прызначэнні шляхам вызвалення іх ад неўласцівых ім задач.
У нашай вобласці органамі мясцовага кіравання надаецца вялікая ўвага пытанням удасканалення тэрытарыяльнай абароны. Рэгулярна праводзяцца мерапрыемствы па падрыхтоўцы органаў кіравання, сродкаў кіравання і аб'ектаў тэрытарыяльнай абароны.
Тэрытарыяльная абарона прызначана для павышэння магчымасцяў краіны па абароне яе суверэнітэту, незалежнасці і тэрытарыяльнай цэласнасці. Яна грунтуецца на гатоўнасці і здольнасці кожнага грамадзяніна абараніць сваю сям'ю, дом, населены пункт.
