У прыватнасці, дакументам устаноўлена, што ў 2023/2024 навучальным годзе па завяршэнні навучання і выхавання на II ступені агульнай сярэдняй адукацыі выніковыя выпрабаванні праводзяцца ў асноўныя тэрміны – з 3 па 10 чэрвеня 2024 г., у іншыя тэрміны – з 19 па 26 жніўня 2024 г. для навучэнцаў, якія асвойваюць змест адукацыйнай праграмы базавай адукацыі.
Дзевяцікласнікам трэба будзе здаваць выпускныя экзамены па:
- беларускай мове (выклад у пісьмовай форме);
- рускай мове (выклад у пісьмовай форме);
- матэматыцы (кантрольная праца ў пісьмовай форме);
- гісторыі Беларусі (па білетах у вуснай форме).
Па завяршэнні навучання і выхавання на III ступені агульнай сярэдняй адукацыі выніковыя іспыты для вучняў, якія асвойваюць змест адукацыйнай праграмы сярэдняй адукацыі, праводзяцца ў выглядзе цэнтралізаванага экзамену ў пісьмовай форме.
Для выпрабаванняў па фізіцы, матэматыцы, хіміі, біялогіі, замежнай мове (англійская, нямецкая, іспанская, французская, кітайская), гісторыі Беларусі, сусветнай гісторыі (найноўшы час), геаграфіі, грамадазнаўству (па выбару навучэнца) вызначаны:
- асноўныя тэрміны - 27 мая 2024 г.;
- рэзервовыя дні і іншыя тэрміны - у даты правядзення цэнтралізаванага тэсціравання ў рэзервовыя дні;
- іншыя тэрміны – 19 жніўня 2024 г.
Даты выпрабаванняў па беларускай або рускай мовах (на выбар вучня) наступныя:
- асноўныя тэрміны - 30 мая 2024 г.;
- рэзервовыя дні і іншыя тэрміны - у даты правядзення цэнтралізаванага тэсціравання ў рэзервовыя дні;
- іншыя тэрміны – 21 жніўня 2024 г.
Таксама прававым актам устаноўлены формы і даты правядзення выніковых іспытаў для:
- навучэнцаў з парушэннямі функцый апорна-рухальнага апарата, парушэннямі зроку, цяжкасцямі ў навучанні, якія асвойваюць змест адукацыйнай праграмы спецыяльнай адукацыі на ўзроўні агульнай сярэдняй адукацыі, пасля завяршэння навучання і выхавання на II ступені агульнай сярэдняй адукацыі;
- навучэнцаў другога аддзялення спецыяльнай школы, спецыяльнай школы-інтэрната для навучэнцаў з парушэннем слыху, навучэнцаў спецыяльнай школы, спецыяльнай школы-інтэрната для навучэнцаў з цяжкімі парушэннямі маўлення, якія асвойваюць змест адукацыйнай праграмы спецыяльнай адукацыі на ўзроўні агульнай сярэдняй адукацыі, пасля завяршэння навучання і выхавання на II ступені агульнай сярэдняй адукацыі;
- навучэнцаў гімназіі – каледжа мастацтваў па завяршэнні навучання і выхавання на II і III ступенях агульнай сярэдняй адукацыі;
- навучэнцаў, якія асвойваюць змест адукацыйнай праграмы сярэдняй адукацыі ў спецыяльных вучэбна-выхаваўчых установах, спецыяльных лячэбна-выхаваўчых установах, у дзяржаўных установах адукацыі (філіялах дзяржаўных устаноў адукацыі), якія знаходзяцца на тэрыторыі папраўчых устаноў крымінальна-выканаўчай сістэмы МУС, рэспубліканскіх унітарных вытворчых прадпрыемстваў, падпарадкаваных Дэпартаменту выканання пакаранняў МУС, лячэбна-працоўных прафілакторыяў МУС, якія ўтрымліваюцца пад вартай у следчым ізалятары, пад вартай у папраўчай установе, па завяршэнні навучання і выхавання на III ступені агульнай сярэдняй адукацыі;
- навучэнцаў, курсантаў па завяршэнні навучання і выхавання на III ступені агульнай сярэдняй адукацыі пры засваенні зместу адукацыйных праграм прафесійна-тэхнічнай адукацыі і сярэдняй спецыяльнай адукацыі.
Пастанова набывае моц пасля яе афіцыйнага апублікавання.
