Пры правядзенні праверкі па гэтым факце высветлілася, што гэты надпіс з'яўляецца рэкламай інтэрнэт-крамы наркатычных сродкаў, які ажыццяўляе незаконны абарот наркатычных сродкаў, псіхатропных рэчываў, у тым ліку асабліва небяспечных псіхатропных рэчываў, на тэрыторыі Рэспублікі Беларусь.
Аператыўнікамі ўстаноўлена, што гэтыя надпісы ажыццяўляў 32-гадовы жыхар горада Полацка, будучы наркаманам, які працаваў на інтэрнэт краму з карыслівых меркаванняў для атрымання чарговай «дозы».
У перыяд часу з сакавіка па май 2023 года палачанін ажыццяўляў размяшчэнне рэкламы з дапамогай нанясення надпісаў на розных аб'ектах і будынках на тэрыторыі г.Полацка. Злачынцу неабходна было зрабіць пэўную колькасць надпісаў пэўнага памеру, пасля чаго ён адпраўляў фота-пацверджанне свайму «заказчыку». Далей, пасля праверкі выкананай працы «трафарэтчыку» прыходзілі дадзеныя каардынат, дзе размешчаны наркотык, які ён атрымліваў за размяшчэнне рэкламы інтэрнэт-крамы наркотыкаў.
Цяпер у дачыненні да «трафарэтчыка» распачата крымінальная справа паводле ч. 4 арт.328 КК Рэспублікі Беларусь, ён узяты пад варту. Фігуранту пагражае да 20 гадоў пазбаўлення волі.
АУС Полацкага райвыканкама звяртае ўвагу, за пакіданне несанкцыянаваных надпісаў прадугледжана адміністрацыйная адказнасць паводле арт.11.3 КоАП Рэспублікі Беларусь (наўмыснае знішчэнне альбо пашкоджанне маёмасці са шкодай у нязначным памеры). У выпадку, калі шкода прызнаецца значнай, то незаконныя дзеянні будуць кваліфікавацца па ч.1 арт. 218 КК Рэспублікі Беларусь (наўмыснае знішчэнне альбо пашкоджанне маёмасці).
У выпадку, калі «рэкламшчык» датычны да распаўсюджвання наркотыкаў, яго дзеянні кваліфікуюцца па арт.328 КК Рэспублікі Беларусь.
Пры выяўленні надпісаў з рэкламай інтэрнэт-крам неабходна неадкладна паведамляць у міліцыю.
Першы намеснік начальніка Полацкага РАУС - начальнік крымінальнай міліцыі С. М. Мірановіч
Крыніца: www.pvestnik.by
