На плошчы Свабоды гучала класічная музыка, шаноўныя дамы Марыя Давыдаўна і Вільгельміна Фёдараўна пазнаёмілі ўдзельнікаў прэзентацыі з найбольш знакавымі пабудовамі горада, якія неаднаразова наведвалі Вялікія князі і цэсарэвічы, расійскія імператары і іх жонкі. Маршрут уключае больш за 15 архітэктурных і манументальных помнікаў, якія маюць непасрэднае дачыненне да імператарскага Дому Раманавых.
Сафійскі і Богаяўленскі саборы, комплекс будынкаў былога езуіцкага манастыра пазней - кадэцкага корпуса, цяпер Полацкага дзяржаўнага ўніверсітэта імя Еўфрасінні Полацкай, і многае іншае.
Акрамя таго, у рамках маршруту ў рэстаране «Гранд-паб» можна пакаштаваць стравы пачатку ХХ стагоддзя са святочнага меню абеду, прапанаванага палачанамі членам царскай сям'і. А гэта вуха, ласасіна, катлеты пажарскія з шампіньёнамі, гельнае з рыбы з найсмачнымі соусамі сабайон, правансаль, тартар.
Падарожжа па слядах Раманавых надоўга застанецца ў сэрцах тых, хто захоча наведаць аўтарскі экскурсійны маршрут. Турцэнтр г. Полацка рады адкрываць палачанам і гасцям гарада новыя нязведаныя старонкі гісторыі слаўнага горада над Дзвіной.
Фота Надзеі КАЛУЖОНАК і Святланы АЛЬСЕВІЧ.
