На тэрыторыі парка культуры і адпачынку сабралася больш за 150 чалавек. Сярод іх ганаровыя госці Святлана Валюшкіна, намеснік старшыні Полацкага райвыканкама, Ірына Драздова, начальнік упраўлення па адукацыі, Марыне Фёдарава, дырэктар Віцебскага абласнога цэнтра карэкцыйна-развіваючага навучання і рэабілітацыі, протаіерэй Валерый Рыжанкоў, настаяцель храма Пакрова Прасвятой Багародзіцы.
Асноўная задача гэтага мерапрыемства - стварэнне адзінай пляцоўкі для дапамогі і падтрымкі бацькам, якія выхоўваюць дзяцей з інваліднасцю, у тым ліку цяжкай формы.
Дзеці і бацькі змаглі паўдзельнічаць у форуме па асобнай праграме. Для хлопчыкаў і дзяўчынак шматлікія сябры цэнтра карэкцыйна-развіваючага навучання і рэабілітацыі падрыхтавалі інтэрактыўныя зоны. Дзеткі змаглі пагуляць, памаляваць, пабегаць.
У сваю чаргу бацькі прынялі ўдзел у дыялогавых пляцоўках са спецыялістамі ЦКРНіР, урачамі, натарыусамі, юрыстамі, педагагічнымі работнікамі, прадстаўнікамі навучальных устаноў з мэтай павышэння кампетэнтнасці бацькоў дзяцей з асаблівасцямі развіцця ў пытаннях развіцця, выхавання і ўмацавання здароўя дзяцей.
Фота надзеі КАЛУЖОНАК.