Пажаданыя словы выпускнікам, віншаванні са сканчэннем вучобы і пачаткам новага, дарослага жыцця прагучалі ад гасцей урачыстага мерапрыемства і дырэктара Полацкага кадэцкага вучылішча Станіслава Красоўскага.
У святочнай абстаноўцы ганаровыя госці ўручылі выпускнікам заслужаныя ўзнагароды: медалі «За служэнне Радзіме з дзяцінства», і граматы.
Важным працягам свята стала ўручэнне атэстатаў аб заканчэнні Полацкага кадэцкага вучылішча. Тры кадэты атрымалі атэстат асаблівага ўзору і залаты медаль, і адзін – сярэбраны. У завяршэнні выпускнікі прынялі ўдзел у рытуале развітання са Сцягам Полацкага кадэцкага вучылішча і адноўленым сцягам Полацкага кадэцкага корпуса — гэтыя імгненні запомняцца на ўсё жыццё.
... А затым урачысты марш, кадэцкія песні, падкідванне фуражак у неба на ўдачу…
У добры шлях, полацкія кадэты!
Фота Надзеі КАЛУЖОНАК.
Больш фота ў альбоме