Ініцыятарам запланаванай дзейнасці і заказчыкам праекта з'яўляецца ААТ «Гомельтранснафта Дружба» (246022, г.Гомель, вул. Артылерыйская, 8а, тэл. +375 232 70 07 48, e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.).
Прадпраектнай дакументацыяй па аб'екце «Будаўніцтва аб'ектаў для стварэння 60-сутачнага запасу нафты (1 740 тыс. тон) для забеспячэння працы НПЗ рэспублікі на мінімальнай загрузцы вытворчых магутнасцяў» прадугледжваецца будаўніцтва рэзервуарных паркаў для размяшчэння нафты паблізу існуючай прампляцоўкі ЛДПС. У адпаведнасці з тэхналагічнымі рашэннямі па ўзвядзенні рэзервуарных паркаў прадугледжваецца выдзяленне двух чэргаў будаўніцтва: першая чарга будаўніцтва - будаўніцтва рэзервуарнага парка для размяшчэння 600 000 тон нафты; другая чарга будаўніцтва – будаўніцтва рэзервуарнага парка для размяшчэння 750000 тон нафты. Будаўніцтва новага рэзервуарнага парка для стварэння 60-сутачнага запасу нафты забяспечвае: забеспячэнне прыёму, захоўвання і адгрузкі нафты ў неабходных месцах; забеспячэнне стабільнай работы НПЗ на мінімальнай загрузцы вытворчых магутнасцей.
Праектаваныя аб'екты прапануецца размясціць на землях УП «Полацкі малочны камбінат» побач з ЛДПС «Полацк» філіяла па транспарціроўцы нафты «Наваполацк» Полацкі р-н, Віцебская вобласць.
Тэрмін рэалізацыі запланаванай дзейнасці: абгрунтаванне інвестыцый 2021 год; распрацоўка праектна-каштарыснай дакументацыі на будаўніцтва - 2021-2022 год; будаўніцтва - 2022-2030 гады.
Тэрмін правядзення грамадскага абмеркавання па праекце з 17 верасня 2021г. па 17 кастрычніка 2021г. Прапановы і заўвагі грамадскасці прымаюцца на працягу ўсяго тэрміна правядзення грамадскага абмеркавання.
Са справаздачай аб ацэнцы ўздзеяння на навакольнае асяроддзе аб'екта «Будаўніцтва аб'ектаў для стварэння 60-сутачнага запасу нафты (1 740 тыс. тон) для забеспячэння працы НПЗ рэспублікі на мінімальнай загрузцы вытворчых магутнасцяў» Вы можаце азнаёміцца на сайце Полацкага раённага выканаўчага камітэта polotsk.vitebsk-region.gov.by у раздзеле «Грамадскія абмеркаванні», у аддзеле архітэктуры і будаўніцтва Полацкага райвыканкама (г.Полацк, вул.Талстога, 6, каб. №№ 140, 139, кантактная асоба — начальнік аддзела архітэктуры і будаўніцтва Полацкага райвыканкама Таццяна Аляксандраўна Багдановіч, тэлефон 8(0214)46-30-95, тэл./факсы: 8(0214)46-22-41, 46-22-83, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.) і накіраваць заўвагі ў пісьмовым выглядзе па адрасе: аддзел архітэктуры і будаўніцтва Полацкага райвыканкама (каб. №№ 140, 139, тэл./факсы: 8(0214) 46-22-41, 46-22-83), г.Полацк, вул.Талстога, 6; па электроннай пошце Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., па факсах: 8(0214) 46-22-41, 46-22-83.
Адказным за прыняцце рашэння ў дачыненні да гаспадарчай і іншай дзейнасці з'яўляецца Полацкі раённы выканаўчы камітэт (г.Полацк, вул.Талстога, 6, тэл. 8(0214)46-35-22, факс 8(0214)46-83- 16, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.).
Заява аб неабходнасці правядзення сходу па абмеркаванні справаздачы аб ацэнцы ўздзеяння на навакольнае асяроддзе накіроўваецца ў пісьмовым выглядзе на працягу 10 працоўных дзён з дня апублікавання апавяшчэння на паштовы адрас: г.Полацк, вул.Талстога, 6, з паметкай «для аддзела архітэктуры і будаўніцтва», па факсе 8(0214)46-22-41 альбо па электроннай пошце Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. region.gov.by. Заява аб намеры правядзення грамадскай экалагічнай экспертызы накіроўваецца на працягу 10 працоўных дзён заказчыку.
Апавяшчэнне аб правядзенні грамадскага абмеркавання справаздачы «Будаўніцтва аб'ектаў для стварэння 60-сутачнага запасу нафты (1 740 тыс. тон) для забеспячэння працы НПЗ рэспублікі на мінімальнай загрузцы вытворчых магутнасцяў» публікуецца ў газеце «Полацкі веснік» і на сайце Полацкага райвыканкама polotsk.vitebsk-region.gov.by.
