Мэта распрацоўкі Схемы - стварэнне базы дадзеных азелянення тэрыторый агульнага карыстання (паркаў, сквераў, бульвараў, лесапаркаў) для рэгулявання горадабудаўнічай дзейнасці на тэрыторыі г.Полацка і забеспячэння доступу насельніцтва да азелянення тэрыторый агульнага карыстання.
Задачы праекта:
- абследаванне і складанне пераліку азелянення тэрыторый агульнага карыстання;
- выкананне разлікаў забяспечанасці насельніцтва азеляненем тэрыторый агульнага карыстання з улікам перспектыўнай колькасці насельніцтва;
- складанне плана азелянення тэрыторый агульнага карыстання;
- усталяванне горадабудаўнічых рэгламентаў (абмежаванняў) выкарыстання азелянення тэрыторый агульнага карыстання з улікам рэгламентаў (абмежаванняў) дзеючага генеральнага плана г.Полацка.
Схема будзе змяшчаць звесткі аб назве (калі такая маецца), месцазнаходжаннi, межах, плошчы і балансе ўключаных у яе азеляненне тэрыторый агульнага карыстання, арганізацыях, якія ажыццяўляюць утрыманне азелянення тэрыторый агульнага карыстання. Праектам будуць вызначаны, якiя з азеляняемых тэрыторыі агульнага карыстання з'яўляюцца паркамі, скверамі, бульварамі, батанічнымі садамі, дэндралагічнымi паркамi.
У адпаведнасці з Законамі Рэспублікі Беларусь «Аб раслінным свеце», «Аб дзяржаўнай экалагічнай экспертызе, стратэгічнай экалагічнай ацэнцы і ацэнцы ўздзеяння на навакольнае асяроддзе» заканадаўствам Рэспублікі Беларусь, таксама будуць праведзены грамадскія абмеркаваннi экалагічнага дакладу па стратэгічнай экалагічнай ацэнцы і грамадскае абмеркаванне Схемы.
Заказчык Схемы - Полацкі раённы выканаўчы камітэт
Распрацоўшчык Схемы: УП «БЕЛНДІПГОРАДАБУДАЎНІЦТВА»
У сувязі з эпідэміялагічнай сітуацыяй, звязанай з распаўсюджваннем інфекцыі, выкліканай каранавiрусам (COVID-19), азнаёміцца з графічнымі матэрыяламі існуючага стану Схемы можна будзе з 15 ліпеня 2021, на сайце Полацкага раённага выканаўчага камітэта. Таксама графічныя матэрыялы ў друкаваным выглядзе будуць перададзены ў Полацкі раённы выканаўчы камітэт.
Просім запоўніць ананімную анлайн анкету https://goo.su/42bV
Адказы на анкету прымаюцца з 01 лютага па 01 жніўня 2021 года. Паступіўшыя прапановы будуць разгледжаны тэрытарыяльным падраздзяленнем архітэктуры і будаўніцтва, а таксама распрацоўшчыкам горадабудаўнічай дакументацыі.
