У склад прадметаў аўкцыёну ўключаны ўчасткі гарадской тэрыторыі агульнай плошчай каля 4,9 тыс. кв.м у розных частках абласнога цэнтра, у асноўным у месцах адпачынку і паркавых зонах. Пачатковая цана лотаў устаноўлена з разліку Br4,23 за 1 кв.м зямлі. Каля 64 працэнтаў лотаў прыпадае на пляцоўкі памерам ад 4 да 8 кв.м пад аб'екты нестацыянарнага гандлю, якія дыферэнцыраваны ў залежнасці ад прадаваемай прадукцыі (безалкагольныя напіткі і марожанае, поп-корн і салодкая вата, гарачыя напіткі, сувеніры і цацкі, агародніна і фрукты). Пад грамадскае харчаванне выдзелана 14 месцаў, у прадстаўнікам індустрыі забаў прапануецца ў арэнду 28 участкаў памерам ад 10 да 510 кв.м.
Тэрмін арэнды большасці пляцовак устаноўлены па 31 кастрычніка 2021 года. Участкі пад размяшчэнне гандлёвых аўтаматаў і кіёскаў па продажы гарачых напіткаў, а таксама шасці міні-кафэ (у тым ліку ў фармаце фуд-трак) здаюцца ў часовае карыстанне на год. Пляцоўка пад комплекс механізаваных атракцыёнаў у парку 1000-годдзя Віцебска прапануецца ў арэнду на 3 гады.
Таргі пройдуць 26 і 27 красавіка. Патэнцыяльныя арандатары павінны адпавядаць шэрагу ўмоў. Так, для адкрыцця летняга кафэ патрэбна мець стацыянарны аб'ект грамадскага харчавання ў абласным цэнтры. Рэжым работы для такіх сезонных кафэ ўстаноўлены да 23.00, пры гэтым працягласць музычнага суправаджэння абмежавана да 21.00. Каля кропак грамадскага харчавання неабходна будзе ўстанавіць па два біятуалеты. Работа кафэ не павінна выклікаць скаргаў жыхароў бліжэйшых дамоў. Арандатары пляцовак пад атракцыёны павінны забяспечыць эстэтычна прывабны знешні выгляд аб'ектаў, мець дакументы, якія пацвярджаюць бяспеку эксплуатацыі атракцыёна, выканаць шэраг санітарна-гігіенічных патрабаванняў. Акрамя таго, арэнда месцаў на плошчы Перамогі прыпыняецца на перыяд правядзення агульнагарадскіх культурна-масавых мерапрыемстваў, у тым ліку фестывалю мастацтваў "Славянскі базар у Віцебску".
У 2020 годзе ад рэалізацыі правоў арэнды нерухомай маёмасці гарадской камунальнай уласнасці ў бюджэт Віцебска паступіла амаль Br100 тыс.
