Плануемы гадавы аб'ём выпуску верхняга скуранога тавару і спілку складзе 200-250 тыс.м вырабаў з магчымасцю яго павелічэння пад патрэбы рынку. Для арганізацыі вытворчасці будзе часткова задзейнічана існуючае абсталяванне па вырабе аўчыны. Акрамя таго, вядуцца перагаворы па закупцы новых станкоў і механізмаў, неабходных пры выпуску артыкулаў скураных тавараў для абутку, адзення і гарбарна-галантарэйнай прадукцыі. Паралельна прапрацоўваюцца пытанні фінансавання і забеспячэння новага ўчастка сыравінай, у тым ліку вывучаюцца магчымасці айчынных пастаўшчыкоў паўфабрыкатаў і патэнцыял замежных рынкаў. Асноўным крытэрыем пры вырабе сыравіны выступаюць суадносіны цана - якасць, каб футравы камбінат у далейшым мог прапанаваць абутковым прадпрыемствам канкурэнтаздольны па цэнавых параметрах скураны тавар, адзначыў Сяргей Бяценя.
Рэалізацыя праекта дасць магчымасць правесці дыверсіфікацыю прадуктовай лінейкі камбіната ва ўмовах змяненняў кан'юнктуры рынку, якія адбываюцца пад уплывам пацяплення клімату і зруху пакупніцкага попыту ў бок штучнага футра, растлумачыў кіраўнік камбіната. У прыватнасці, з-за цёплай зімы ў 2020 годзе знізіўся прыкладна ў 2,5 раза аб'ём заказаў абутковай падкладкі, пры гэтым мадэрнізаваныя магутнасці футравага камбіната разлічаны на тое, каб задавольваць да 70 працэнтаў патрэбнасці гарбарна-абутковага холдынга "Марко" ў гэтым відзе прадукцыі ў высокі сезон.
Унітарнае вытворчае прадпрыемства "Віцебскі футравы камбінат" створана ў 1975 годзе, у 2013-м увайшло ў склад холдынга "Беларуская гарбарна-абутковая кампанія "Марко". Пасля праведзенай маштабнай рэканструкцыі і мадэрнізацыі камбіната створана новае прадпрыемства еўрапейскага ўзроўню з арганізацыяй сучаснай вытворчасці па вырабе пушніна-футравай і аўчынна-шубнай сыравіны і выпуску з яе гатовых вырабаў. У снежні 2018 года футравы камбінат зарэгістраваны рэзідэнтам СЭЗ "Віцебск" з праектам па стварэнні транспартнай інфраструктуры і арганізацыі дапаможнага ўчастка па пашыве загатовак і зборцы абутку з аўчыны.
