Паводле слоў Вольгі Фёдаравай, у Віцебскай вобласці будуць развіваць усе асноўныя віды турызму. "Усе яны перспектыўныя. У бягучым годзе мы будзем працаваць па 13 відах турызму. У нас ёсць пэўныя задачы, якія пастаўлены на 2024 год, у прыватнасці, прадаўжаць работу мінулага года па шэрагу праектаў, напрыклад, "Васільковы край". Што цікава, у рамках гэтага праекта ў нас распрацоўваліся QR-коды ў выглядзе васілька, якія наносіліся на знакавыя аб'екты. Нават без інтэрнэту можна было адсканіраваць яго і атрымаць усю інфармацыю аб гэтым аб'екце. Людзі прыходзілі, глядзелі. Колькасць гэтых наклееных васількоў расце. Распрацоўваюцца сэлфі-месцы, якія таксама карыстаюцца папулярнасцю. Напэўна, таксама цікавая і паказальная работа - распрацоўка сувенірнай прадукцыі з васількамі. Гэта настолькі пазнавальны сімвал, аж да таго, што па брэндавым малаку з нанесеным васільком зразумела, што гэта віцебскі прадукт. Па ім Віцебскую вобласць пазнаюць не толькі ў Беларусі", - падкрэсліла яна.
Прадпрыемствы вобласці і ў бягучым годзе плануюць прыняць удзел у розных выстаўках. Адна з іх - "Адпачынак-2024" - пройдзе з 18 па 20 красавіка. "Мы плануем прывезці нашу сувенірную прадукцыю з васількамі туды. Кожны можа прыйсці і пазнаёміцца", - адзначыла Вольга Фёдарава.
