Удзельнічаць у спаборніцтвах будуць не менш за 160 дзюдаістаў, якія прадстаўляюць спецыялізаваныя вучэбна-спартыўныя ўстановы Віцебскай вобласці. Чакаюцца каманды з Брэста, Гродна, Магілёва, Мінска, а таксама з Расіі. Юнакі выступяць у дзевяці вагавых катэгорыях (да 46, 50, 55, 60, 66, 73, 81, 90, +90 кг), дзяўчаты будуць змагацца ў пяці (40, 48, 52, 57, 70 кг). Жараб'ёўка ўдзельнікаў адбудзецца 6 снежня ў 10.30, ужо ў 11.45 стартуюць папярэднія сустрэчы. З 16.30 пачнуцца паўфінальныя і фінальныя баі, дзе вызначацца пераможцы. Турнір прымае Віцебскі абласны комплексны цэнтр алімпійскага рэзерву.
Лепшыя спартсмены па выніках змогуць трапіць у склад зборнай каманды Віцебскай вобласці і ў далейшым прадстаўляць паўночны рэгіён Беларусі на рэспубліканскіх і міжнародных спаборніцтвах. "Калі гаварыць аб дзюдаістах Віцебскай вобласці, то юнакі і дзяўчаты 13-15 гадоў паказваюць нядрэнныя вынікі. Напрыклад, у мінулым годзе на рэспубліцы ўзялі агульнакаманднае трэцяе месца. У цэлым каманда добрая, і ў ёй ёсць моцныя спартсмены з Віцебска, Оршы, Дуброўна, Полацка. Стаўка робіцца як мінімум чалавек на дзесяць", - растлумачыў Віталь Аляшкевіч.
Наступнымі стартамі пасля адкрытага абласнога турніру па дзюдо для атлетаў 2008-2010 гадоў нараджэння стане першынство Віцебскай вобласці, намечанае на 8 снежня. Далей у графіку - падрыхтоўка да рэспубліканскага ўзроўню. "Гэта будуць вучэбна-трэніровачныя зборы са зборнай камандай, - сказаў галоўны суддзя турніру. - Непасрэдна мацнейшыя спартсмены, якія трапілі ў зборную нашай вобласці, будуць выступаць на чэмпіянаце Рэспублікі Беларусь па дзюдо".
